Qytetarët kishin raportuar për ndotje të ambientit dhe grumbullim mbeturinash në rrugën “Meshari”, në Komunën e Fushë Kosovës.
Mirëpo, sipas faqes zyrtare në rrjetin social në Facebook të ndreqe.com është bërë e ditur se ky problem i raportuar ka bërë që Komuna e Fushë Kosovës të reagojë menjëherë duke bërë pastrimin e kësaj zone.
“Ndotja e ambientit e raportuar nga qytetarët e Komunës së Fushë Kosovës në platformën ndreqe.com, është rregulluar nga Komuna”, thuhet në ndreqe.com.
Me qëllim të përmirësimit të cilësisë së shërbimeve komunale, vazhdoni të raportoni për zgjidhje më të shpejt të problemeve në komunën tuaj, në ndreqe.com. /Telegrafi/
Raportimin mund t’a shihni në këtë link: https://ndreqe.com/report/7196.
