Qytetarët adresojnë kritika të shumta drejt faktorit politik shqiptar për ngërçin e thelluar politik në periudhën e fundit. Më ashpër ata shprehen për partinë e Ali Ahmetit e cila sipas tyre nuk është gjithaq e vendosur për partneritet me LSDM-në si pasojë e lidhjeve të ngushta me OBRM-PDUKM-në.
Qytetarët për Alsat-M thonë se po humbin durimin ndërkaq shtojnë se një gjendje e tillë sa vjen e përkeqëson përditshmërinë e tyre.
“I nervozuar jam me këto partitë, sepse nuk punohet në rregull”.
“Fajin më së shumti e kanë partitë shqiptare sepse nuk i kanë ndarë ende punët me VMRO-në mund edhe të bashkëpunojnë me VMRO-në. Partitë shqiptare duhet rreptësishtë t’i ndalojnë ato dhe të ecim para”
“Ata e përkrahin Gruevskin, të gjithë partitë shqiptare. Përse nuk formohet Qeveria? Kë presin? Kanë shumicën dërmuese, çka presin? 3:26 Dihet kush është fajtor, kush ka qenë në pozitë dhjetë vite? Për gjendjen e shqiptarëve dihet kush është fajtor, ata që kanë qenë në pushtet”.
“Përgjegjësit, ata të cilët janë në pushtet gjithmonë janë fajtorë krahasuar me opozitën, gjithherë ashtu ka qenë por ja shohim se edhe opozita tani nuk po vendosin, diçka ka por se çfarë nuk e di”.
Qytetarët kërkojnë formimin sa më të shpejtë të Qeverisë së re me qëllim të përmirësimit të gjendjes.
