Pro ose kundër hapjes së xeheroreve të arit në Kozhuf është dilema për të cilën qytetarët e Gjevgjelisë sot do të votojnë në referendum. Pritet që një numër i madh i qytetarëve të tregojnë qëndrimin e tyre, duke pasur parasysh se referendumi në nivel lokal ka marrë mbështetje edhe nga OBRM-PDUKM-ja dhe LSDM-ja, përcjell Telegrafi Maqedoni.
Sipas listës së vetme zgjedhore të drejtë të votës në referendum kanë 19,458 qytetarë të cilët do të mund të votojnë në 37 vende zgjedhore. Ndërsa gjatë ditës së djeshme të drejtën e votës e realizuan 30 të burgosur dhe 4 persona të sëmurë.
Referendumin në Gjevgjeli do ta vëzhgojnë organizata të ndryshme joqeveritare, ndërsa thonë se nuk ka vend për panik se mund të ndodhë katastrofë ekologjike, për shkak se sipas tyre, ligjet në këtë fushë në vendin tonë janë më të ashpër se në BE./Telegrafi/