Bayern Munich e ka filluar mbrojtjen e titullit në edicionin 2023/24 me fitore bindëse 4-0 në udhëtim te Werder Bremeni.
Pas vetëm katër minutash lojë, Bavarezët kaluan në epërsi me anë të Leroy Sane, që u asistua prej Harry Kane, që është asistimi i tij i parë në ligën gjermane.
Ëerderi kishte një gol të anuluar në minutën e nëntë, pasi Niclas Fullkrug ishte në pozitë jashtë loje.
⏱️ 9. Min
Der Ball ist im Tor. #Füllkrug hat getroffen. Doch die Fahne geht hoch – Abseits. MAAAAN.
— SV Werder Bremen (@werderbremen) August 18, 2023
Me kaq edhe përfundoi pjesa e parë, derisa në të dytën u shënuan edhe tre gola të tjetër .
Tani ishte radha për Kanen që të shënoi gol në debutimin e tij në Bundesligë.
Ishte minuta e 74-të e takimit, kur Alphonso Davies asistoi te ish-ylli i Tottenhamit për 2-0, me këtë të fundit që padyshim ishte lojtari i ndeshjes për kampionin e elitës gjermane.
Por, Bayerni nuk u ndal me kaq, pasi Sane arriti edhe golin e tij të dytë personal dhe të tretin për ekipin e tij në minutën e 90+1-të, derisa Thomas Muller ishte asistuesi.
Për 4-0 u përkujdes Mathys Tel (90+4′), duke vulosur kështu fitoren e mysafirëve.
Në xhiron e dytë, Bayern Munichu do të ketë punë me Agusburgun. /Telegrafi/