Quagliarella barazon rekordin 25-vjeçar të Batistutas në Serie A, shënon 11 ndeshje radhazi

Fabio Quagliarella e ka barazuar rekordin e të gjitha kohërave nga Gabriel Batistuta, duke shënuar në 11 ndeshje radhazi në Serie A.

Sulmuesi italian ka bërë një arritje të jashtëzakonshme në prag të përfundimit të karrierës duke shënuar në 11 ndeshje radhazi.

Quagliarella këtë arritje e bëri vetëm pak ditë pas ditëlindjes së tij të 36-të, e cila ishte gjatë të enjtes.

Lexo po ashtu Quagliarella nuk ndalet, vetëm Batistuta ka shënuar në më së shumti ndeshje radhazi në Serie A

36-vjeçari kompletoi arritjen e rekordin në takimin e mbrëmjes së shtunë ndaj Udineses  në Marassi, duke shënuar me ftohtësi një penallti.

Batistuta gjeti rrjetën në secilin nga 11 ndeshjet e para të sezonit 1994-95 për Fiorentinën, duke bërë që ky rekord të mbetet për plot 25 vite.

Megjithatë, Quagliarella ka shënuar në 11 paraqitjet e tij të fundit të Serie A, sepse gjatë fillimit të kampionatit kaloi një ndeshje në stol.

Lexo po ashtu Kur mosha nuk është problem: Sulmuesit që pavarësisht viteve mbi supe, vazhdojnë të shënojnë shumë gola

Veterani italian ishte në stol në humbjen 4-1 ndaj Romës më 11 nëntor.

Megjithatë, ai ka shënuar 16 gola gjatë deri më tani këtë sezon dhe është në krye të listës së golashënuesve në Serie A. /Telegrafi/