Qendra për Menaxhim me Kriza njofton se dje pas erës së fortë që përfshiu vendin tonë, kanë kryer disa intervenime në qytetet Shkup, Tetovë dhe Sveti Nikollë.
Nga QMK Rajonale Shkup njoftojnë se zjarrfikësit e qytetit të Shkupit gjatë ditës dhe natës së kaluar kanë pasur dy intervenime të lehta në qytet dhe rrethinë.
QMK Rajonale e Velesit njofton se zjarrfikësit nga Sveti Nikollë në periudhën prej orës 16:20 deri në ora 18:00, me dy zjarrfikës dhe një mjet zjarrfikës, kanë intervenuar në djegien e vegjetacionit të ulët përgjatë rrugës Sveti Nikollë – Shtip, konkretisht nën mbikalimin afër fshati Erxheli.
QMK Rajonale Tetovë njofton se zjarrfikësit nga Tetova në periudhën prej orës 14:55 deri në ora 15:30, me shtatë zjarrfikës dhe dy automjete zjarrfikëse kanë intervenuar në djegien e mbeturinave në afërsi të fshatit Gajre”, thuhet në njoftimin e QMK-së.
Në numrin e vetëm të urgjencës 112 në QMK janë bërë gjithsej 1.650 thirrje. Thirrjet “reale” të urgjencës ishin 45.03%, dhe 54.97% ishin të tjera, të quajtura “telefonata jo emergjente”, të cilat ishin për nevoja të tjera të qytetarëve, ose thjesht nuk ishin urgjente./Telegrafi/