Qindra mijëra euro u shpenzuan për klipin “No I love yous” të Era Istrefit (Video)

Këngëtarja Era Istrefi dhe reperi French Montana sollën pak muaj më parë këngën e tyre më të re “No I love yous”.

Kënga u prit shumë mirë nga publiku, ndërsa suksesin e ka dëshmuar edhe përmes shifrave të larta të klikimeve në kanalin YouTube.

Projekti në përgjithësi u cilësua si shumë cilësor, dhe ra në sy jo vetëm për këngën, por edhe për klipin e veçantë, e që ishte punuar me shumë përkushtim.

Jo e vogël duket të ketë qenë edhe shuma që është shpenzuar për realizmin e këtij klipi.

Lexo po ashtu Dukja e yjeve shqiptare në festën e "Halloweenit 2017" (Foto)

Menaxheri i këngëtares, Faton Shohi, ka pohuar për revistën “Story” se për realizimin e klipit “No i love yous” janë shpenzuar hiq më pak se 150 mijë euro.

Klipi është punuar jashtë vendit në Shtetet e Bashkuara të Amerikës, dhe sjell skena nga më të ndryshmet, ku Era kësaj radhe do veçohej nga stili, pasi nga një biodne kishte kaluar ndryshimin në një brune të theksuar.

Mesa duket karriera ndërkombëtare e Erës po shoqërohet me një kosto të lartë, e cila rezultatin po e përkthen në sukses. /Telegrafi/