“Nëse OBRM-PDUKM vëret do të donte të ndërtojë një Qendër të re klinike bashkëkohore, atë do ta bënte, por ata lanë në kujtesë pamje të Gruevski dhe Todorov duke gënjyer”, thuhet në kumtesën e LSDM si reagim ndaj akuzave të OBRM-PDUKM ndaj tyre për ndalje të projektit të klinikës në Shkup, përcjell Telegrafi Maqedoni.
“Për atë se sa OBRM-PDUKM është kujdesur për shëndetësinë tregon fakti se Qendra klinike në Shkup për 10 vite nuk ka paguar fakturat e ujit, që klinikat punojnë në kushte katastrofale, me mjete të vjetëruara dhe pa kuadër përkatës. Nëse vërtet do të interesoheshin për nevojat e qytetarëve, ata nuk do të nënshkruanin kontrata për ndërtim vetvm të klinikave interne e jo të gjithë Qendrës klinike”, thuhet në reagimin e LSDM.
Nga LSDM thonë se Qeveria do të ndërtojë qendër të re klinike bashkëkohore me standarde botërore, ndërsa në lokacionin e tanishëm do të ndërtohet Qendër diagnostike me laboratori./Telegrafi/