Ministrat e Spanjës kanë marrë një vendim të martën për të shkurtuar javën e punës në 37.5 orë, pa bërë ndryshime në pagë, pavarësisht kundërshtimeve nga shoqatat e punëdhënësve.
Në mbledhjen e kabinetit të martën, u miratua kjo masa, duke reduktuar orët e punës nga 40 orë në 37.5, sipas një dekreti ekzekutiv të ministres së Punës, Yolanda Diaz, njofton reuters.
Diaz, që gjithashtu është zëvendëskryeministre, ka theksuar se ky propozim ka të bëjë me përmirësimin e kushteve të jetesës, punën më të pakët dhe rritjen e produktivitetit dhe efikasitetit ekonomik, shkruan reuters.
Megjithatë, masa duhet ende të miratohet në parlament, ku qeveria e qendrës së majtë, udhëhequr nga kryeministri socialist Pedro Sanchez, nuk ka shumicën dhe është e varur nga balancimi i kërkesave të disa partive të tjera për të kaluar legjislacionin.
Plani i Diaz është të realizohet kjo ulje orari deri në fund të vitit 2025. Megjithatë, partia separatiste katalanase e qendrës së djathtë, Junts, ka shfaqur tashmë kundërshtim ndaj këtij propozimi. /Telegrafi/