Vetëm pak ditë pasi Fondi Monetar Ndërkombëtar përpiloi një dokument për Kosovën, përmes së cilit drejton kritika të shumta për mënyrën e menaxhimit të parave nga ana e qeverisë kosovare, ekzekutivi vendosi sot që të ridestinoi 109 milion euro nga kursimet në fusha me rëndësi jetike për vendin tonë.
Në mbledhjen e sotme të Qeverisë, kryeministri Hashim Thaçi, tha se ky rishikim i buxhetit është i brendshëm i cili nuk i lëviz kufijtë e përgjithshëm fillestar dhe nuk ndikon në bilancin e përgjithshëm bankar.
Sipas tij, ky rishikim i buxhetit ka për bazë kornizën afatmesme të shpenzimeve dhe është dokument kryesor dhe udhërrëfyes për politikat e Qeverisë në tri vitet e ardhshme. Këto kursime vijnë nga vendimi i Qeverisë për të zvogëluar kredin fillestare të KEK – ut nga ridestinimi i mjeteve të parapara për shlyerjen e borxhit të jshtëm si dhe nga të hyrat vetanake të komunave, deklaroi kryeministri, Hashim Thaçi.