Qeveria do të vendosë për këtë pas bisedimeve këtë të enjte, theksoi kryeministri irlandez Brian Cowen në Dublin. Më parë ministri irlandez i Financave Brian Lenihan nuk e përjashtoi mundësinë e marrjes së një pakete miliardëshe. Është e mundur të jetë i mjaftueshëm vetëm përpilimi i një plani shpëtimtar për raste emergjente në mënyrë që të qetësohen tregjet, tha ai.
Ministri gjerman i Financave Wolfgang Schäuble paralajmëroi gjatë një takimi me homologët e tij në Bruksel se gjendja e vështirë në tregjet e Irlandës mund të përhapet edhe në vendet e tjera si Portugalia apo Spanja.
Ndërsa presidenti i Këshillit të BE-së, Herman Van Rompuy, kërkoi një bashkëpunim më të mirë të shteteve të zonës së euros. /Telegrafi/