Kryeministri teknik Oliver Spasovski, informon se Qeveria në seancën e sotme ka sjellë vendim në lidhje me orën policore gjatë festës së 1 majit dhe fundjavës së ardhshme.
Siç thotë ai, ora policore më 1, 2 dhe 3 maj do të fillojë nga ora 14:00 dhe do të zgjasë deri në 05:00 të ditës së ardhshme, njofton Telegrafi Maqedoni.
“Në seancën e sotme sollëm vendim për kufizimin e lëvizjes së qytetarëve në gjithë territorin e shtetit gjatë festave të 1 majit”.
“Më 1,2 dhe 3 maj (e premte, e shtunë dhe e diel) do të lejohet lëvizja prej 05:00 deri 14:00. Ndalesa për lëvizje do të nisë në orën 14:00 dhe do të zgjasë deri 05:00 të ditës së ardhshme”, ka shkruar Spasovski.
Ai shton se të gjitha masat tjera të Qeverisë në lidhje me parandalimin e Covid-19 mbeten në fuqi./Telegrafi/
