Qeveria e Maqedonisë përmes një kumtese ka përshëndetur grupin e ekspertëve juridik të cilët kanë përgatitur raportin e dytë për periudhën qershor 2015 – qershor 2017, në lidhje me sundimin e së drejtës në Maqedoni.
Nga qeveria thonë se raporti i cili u publikua sot është përgatitur në bashkëpunim me gjitha institucionet në vend, njofton Telegrafi Maqedoni.
“Përshëndesim përfundimin e grupit të theksuara në raport për ndryshime pozitive në kontekstin politike. Duam të theksojmë se raporti i Priebes jep fotografi reale për rreziqet shumëvjeçare, që qeveria e re i gjeti kur e mori pushtetin në qershor. Qeveria e Maqedonisë pajtohet se me konstatimin se në periudhën 2015-2017 shumë pak punë janë përmirësuar nga raporti i parë dhe kjo do të thotë shumë kohë e humbur”, thonë nga qeveria.
Ata shtojnë se në 100 ditët e para qeveria e re ka arritur t’i vëren problemet dhe në përputhje me këtë kanë hartuar “Planin 3-6-9”.
“Theksojmë se raporti i Priebes i publikuar sot do të shfrytëzohet si drejtim për përmirësimin dhe zbatimin e “Planit 3-6-9, i cili përfshinë disa probleme të përmendura në raportin e ri”, shtojnë nga qeveria.
Ata më tej thonë se qëllimi i tyre është të zgjidhen problemet, në mënyrë që Komisioni Evropian të jep dritë jeshile për fillimin e bisedimeve me BE-në./Telegrafi/