Kampioni në fuqi i Spanjës, Barcelona u frikësua nga lëndimi i Samuel Umtitit.
Mbrojtësi kampion bote me Francën ditë më parë u lëndua në stërvitjen me skuadër dhe u mendua se lëndimi i tij është serioz.
Por pas kontrolleve mjekësore, katalunasit janë më të çliruar.
Francezi do të mungojë vetëm tri javë dhe ky është një lajm i mirë për klubin nga Camp Nou.
Umtiti pritet të rikthehet në fund të muajit tetor nën urdhrat e trajnerit Ernesto Valverde, më saktësisht në ndeshjen ndaj Interit në Ligën e Kampionëve.
Por mbrojtësi do t’i humb tri ndeshje ndaj Tottenham, Valencia dhe Sevillas.
24-vjeçari do t’i humb edhe dy ndeshje me Kombëtaren e Francës ndaj Islandës dhe Gjermanisë.
Umtiti llogaritet si pika kyçe e Barcelonës në repartin defensivë. /Telegrafi/