“Alo, këtu 911, a më dëgjoni? A është dikush në afërsi të cilit do të mund t’ia kalonit dëgjuesen? – Hau! Hau!’, kështu përafërsisht ka tingëlluar biseda telefonike javën e kaluar kur qeni e ka thirrur ndihmën e parë në qytetin Scottsdale të Arizonës, derisa pronari i tij rrinte i shtrirë përtokë dhe i palëvizshëm. Operatori telefonik e ka pasur shumë të qartë kur e ka hapur bazën e të dhënave dhe në emrin e Joe Stalnakerit e ka parë të shkruante se në rast rreziku mund të ndodh që qeni të sjell numrin telefonik.
Policia dhe mjekët automatikisht kanë vizituar personin i cili për shumë vjet vuan nga sulmet e papritura të shkaktuara nga një lëndim i kamotshëm i kokës dhe e kanë hospitalizuar për dy ditë rresht.
Qeni me emrin Buddy si këlysh ka kaluar nëpër trajnimin e institucionit ‘Paws with a cause’ të Michiganit, institucion ky i cili trajnon qentë për tu ndihmuar njerëzve me nevoja të veçanta.