Qentë kanë zemër nga ari – por vendosi ata në një makineri të rezonancës magnetike dhe ata kthehen në “demon”.
Njerëzit kanë qeshur me lot pasi që aktori dhe komediani Andy Richter shpërndau një fotografi të rezonancës magnetike të qenit të mikut të tij.
The Mirror shkruan se shumë përdorues kanë thënë se “kjo ishte gjëja më e lezetshme dhe më e tmerrshme” që ata kanë parë ndonjëherë, dhe fotografia në fjalë deri tani është shpërndarë më shumë se 14,400 herë në rrjetin social Twitter, përcjell Telegrafi.
“Kjo fotografi më ka bërë që të qesh pa kontroll për disa minuta”, tha njëri nga përdoruesit.
Një përdorues tjetër tha: “E mahnitshme. Qentë Pug mund të jenë krijesat e vetme që mund të duken njëjtë si në fotografitë me rreze X po ashtu edhe në jetën e përditshme”.
Ndërsa një përdorues i tretë, i cili ishte i pasigurt rreth fotografisë tha: “Faleminderit për makthet që kjo fotografi do të më sjellë sonte”. /Telegrafi/