Federata e Futbollit të Kosovës dhe përzgjedhësi Franco Foda kanë përjashtuar tre futbollistë nga grumbullimi.
Arijanet Muric, Edon Zhegrova dhe Florent Muslija janë futbollistët e përjashtuar.
Nga burime brenda Federatës së Futbollit të Kosovës, kanë bërë me dije për Klankosova.tv, se arsyeja e përjashtimit të Edon Zhegrovës, Arjanet Muriq, Florent Muslijës nga kombëtarja është qëndrimi i vonë në klube të natës.
Sipas burimeve, kjo nuk ishte hera e parë që ata veprojnë kështu.
Më herët gjatë ditës, FFK-ja, me vendim të përbashkët të përzgjedhësit Franco Foda tre futbollistët I përjashtoi nga ekipi i Kombëtares së Kosovës.
Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së.