Romelu Lukaku ka folur për frikën e tij kur e ka parë dhe dëgjuar për sulmin në zemër të bashkëlojtarit të tij, Christian Eriksen.
Eriksen ra pa ndjenja në fushë në minutën e 43-të në ndeshjen e Danimarkës ndaj Finlandës të shtunën mbrëma, situatë që tronditi botën e futbollit.
Për 15 minuta nuk dihej nëse Eriksen do të shpëtonte dhe vetëm pas kësaj kohe dhe intervenimin bravuroz të ekipeve mjekësore, mesfushori arriti të këndellet dhe të niset për spital.
Kjo situatë bëri që e gjitha bota e sportit të çoj mesazh në mbështetje të Eriksenit, ndërsa nuk munguan edhe mbështetjet nga bashkëlojtarët dhe ish-bashkëlojtarët e tij.
Njëri nga të parët që i doli në mbështetje ishte sulmuesi Lukaku, i cili golin e shënuar në ndeshjen e Belgjikës ndaj Rusisë, ia dedikoi pikërisht Eriksenit.
Lukaku shënojë edhe golin e dytë në fitoren 3-0 të Belgjikës, ndërsa pas ndeshjes tregoi ndjenjat që përjetoi pas sulmit të bashkëlojtarit të tij te Interi.
“Po, unë qava shumë sepse ishte i frikësuar. Ne përjetuam shumë gjëra së bashku për një vit e gjysmë”, ka thënë fillimisht Lukaku pas fitores së Belgjikës ndaj Rusisë.
“Unë kaloj më shumë kohë me të sesa me familjen time dhe mendja ime ishte te ai, gruaja e tij dhe dy fëmijët e tij”, përfundoi sulmuesi belg. /Telegrafi/
Luani dhe fitoni shpërblime këtu >
Më shumë lajme nga kampionati Euro 2020 >
—