Në kodrat Fuji në Japoni ekziston pylli i dendur Aokigahara. Ky vend i tmerrshëm dhe plot frikë është ndryshe i njohur si “deti i pemëve” apo “pylli i vdekjes”.
Autoritetet e këtij vendi çdo vit gjejnë 100 trupa të pajetë që kryesisht kanë bërë vetëvrasje duke u varur në litar, por kjo praktikë po përsëritet që nga viti 1971, transmeton Telegrafi.
Zyrtarisht, ky është vendi ku japonezët zakonisht bëjnë vetëvrasje, por pse ndodh kjo askush nuk e di. Viktimat janë kryesisht meshkuj të moshës së mesme, por është interesant fakti se si vetëvrasjet në këtë vend ndërlidhjen me “aktin e nderit”, dhe kështu çdo vit 30 mijë njerëz ia marrin jetën vetes.
Pylli që shtrihet në rreth 30 kilometra katrorë frekuentohet nga tre tipe të njerëzve, thonë banorët lokal. Ata janë alpinistët, kuriozët – dhe ata që kurrë nuk do të kishin besuar se nuk do të dalin të gjallë nga ai pyll.
Përgjatë pyllit janë të vendosura shenja paralajmëruese për vizitorët, në të cilat shkruan: “Jeta është një dhuratë e çmuar që e keni marrë nga prindërit e tyre. Ju lusim të mendoni për prindërit dhe fëmijët e juaj. Mos e mbani nervozen brenda vetes, nuk keni nevojë të vuani të vetmuar”.
Poshtë këtyre shenjave paralajmëruese është i shkruar edhe numri i një linje të hapur telefonike për të kërkuar ndihmë e cila është pa pagesë, kurse në afërsi gjendet edhe një kabinë telefoni. Veturat e braktisura në parking janë pamje të zakonshme, si dhe rrobat dhe këpucët e shpërndara nëpër pyll.
Besohet se vetëvrasjen e parë në këtë pyll e kishte bërë një murg budist, i cili dëshironte të “pastronte” trupin e vet duke qëndruar i uritur deri në vdekje.
Vdekjen e tij e kishin ndjekur murgjit tjerë, dhe kështu me kalimin e viteve është shndërruar në një lokacion të preferuar për vdekje. Në pyll ekzistojnë vende ku rrezet e diellit nuk prekin në tokë, por edhe era nuk depërton mes degëve.
Besohet se në këtë pyll është praktikuar zakoni i “ubasute”, sipas të cilit familjet i kishin dërguar anëtarët e vet më të vjetër që të vdesin në një vend të qetë.
Por me sa duket shpirtrat e tyre sot i thërrasin njerëzit e paqëndrueshëm mendërisht të cilët shëtisin në këtë pyll. Ndërkaq ata pak persona që arrijnë t’i mbijetojnë shëtitjes nëpër pyll thonë se shpirtrat e ligë i thërrasin. /Telegrafi/
