Në një video të vitit 2013 të riaktualizuar nga mediat e huaja shihet presidenti i tanishëm amerikan, Donald Trump, së bashku me vajzën e tij, Ivanka.
Siç shkruajnë mediat e huaja, përcjell Telegrafi, bëhet fjalë për një video e cila tregon momentin kur babë e bijë ishin pjesëmarrës së bashku në një show televiziv.
Ajo për të cilën kjo video është riaktualizuar është përgjigja që kishte dhënë Trump në pyetjen se “çfarë kanë një gjë të përbashkët që u pëlqen atij dhe vajzës së tij”.
E pyetur se çfarë kanë të përbashkët që u pëlqen asaj dhe babait të saj, Ivanka ishte përgjigjur: Patundshmëritë ose golfi.
Ndërkaq, babai i saj kishte dhënë një përgjigje nga e cila kishin reaguar të gjithë spektatorët, duke qeshur.
Në po të njëjtën pyetje, Trump ishte përgjigjur:
“Unë do të thosha seksi, por që nuk ka të bëjë me të”, ka thënë Trump duke aluduar në vajzën e tij. /Telegrafi/
