Në zgjedhjet lokale në rajonin Smolensk, partia e presidentit rus, Vladimir Putin, “Rusia e Bashkuar” ka kandidat për kryetar një burrë që ka mbiemrin Zelensky.
Alexandr Zelensky u zgjodh sepse ai tashmë është në këshillin lokal të qytetit, raporton skynews.
Rastësi apo jo, por babai i vetë presidentit ukrainas, Volodymyr Zelensky quhet Oleksandr.
Rastësia ishte shumë e pakëndshme për një votues, i cili raportohet nga media shtetërore se kërkon që kandidati të ndryshojë mbiemrin ose të hiqet nga lista zgjedhore.
“Kjo është fyese për pjesëmarrësit e operacionit special ushtarak [ajo që rusët vazhdojnë ta quajnë luftën] dhe patriotët”, mësohet se ka pohuar një votues i zemëruar.
Ndryshe, dega e partisë “Rusia e Bashkuar” e hodhi poshtë ankesën, duke thënë se mbiemri nuk është arsye për ta hequr nga zgjedhjet. /Telegrafi/