Presidenti Vladimir Putin nënshkroi të enjten në ligj deratifikimin nga Rusia të Traktatit Gjithëpërfshirës të Ndalimit të Testeve Bërthamore (CTBT), një marrëveshje historike që synonte të ndalonte plotësisht të gjitha testet bërthamore.
Sipas mediave të huaja, përcjell Telegrafi, teksti i ligjit thotë se Moska nuk do të jetë më e detyruar nga ndalimi i testeve bërthamore të mbështetur nga OKB, duke filluar nga 2 nëntori.
Si Rusia ashtu edhe Shtetet e Bashkuara nënshkruan traktatin në vitin 1996.
Pjesëmarrëse të tjera të traktatit përfshijnë Kinën, Indinë, Pakistanin, Korenë e Veriut dhe Izraelin, si dhe Egjiptin dhe Iranin, të cilët të dy nuk kanë zhvilluar ende armë bërthamore vetë.
Si rezultat, CTBT nuk hyri kurrë në fuqi pasi nuk u ratifikua nga të gjithë nënshkruesit e kërkuar.
Kremlini më parë mohoi se kishte për qëllim të kryente teste të armëve bërthamore edhe nëse do të bënte deratifikimin e marrëveshjes. /Telegrafi/