Presidenti rus, Vladimir Putin ka thënë se ndërhyrja e Rusisë në Siri ia ka mundësuar forcave të qeverisë siriane që të jenë në ofensivë.
Presidenti shtoi se Moska është duke bërë gjithçka që të mos lejojë përkeqësimin e situatës.
Ai tha se me tërheqjen e forcave të saj , Rusia nuk hiqi dorë nga çdo gjë.
“Edhe pse pjesa kryesore e kontingjentit tonë ushtarak është tërhequr nga Siria, ne e kemi lënë ushtrinë siriane në një situatë që i ka aftësuar ata për të filluar operacione serioze sulmuese me mbështetjen e një pjese të ushtrisë tonë, e cila qëndroi atje. Ushtria siriane tashmë ka marrë përsipër Palmiran, që nga tërheqja jonë e pjesshme”, tha Putin.
Udhëheqësi rus fajësoi grupet rebele për luftimet në Aleppo dhe tha se zgjidhja përfundimtare për Sirinë nuk arrihet vetëm me përpjekjet ushtarake, por me kompromis politik.
“Ju duhet të gjeni një zgjidhje, të uleni në tryezën e bisedimeve, të miratoni Kushtetutën (e re) dhe në bazë të saj të mbahen zgjedhjet, për të dalë nga kr iza.”