Vladimir Putin ka konfirmuar se do të kandidojë sërish për president në zgjedhjet e vitit 2024.
Presidenti aktual pritet ta mbetet në pushtet deri në vitin 2030, raportojnë mediat ruse.
Ai ka shërbyer si president më gjatë se çdo udhëheqës tjetër i Rusisë që nga Josef Stalini, duke kaluar madje periudhën 18-vjeçare të Leonid Brezhnev.
Duke nderuar ushtarët që kishin luftuar në Ukrainë, Putin u pyet nga një kolonel nëse do të rikandidonte.
Shefi i Kremlinit raportohet se ka thënë “po”, raporton skynews.
Zgjedhjet pritet të jenë formalitet për Putinin, i cili mbushi 71 vjet në muajin tetor. Me mbështetjen e shtetit, mediave shtetërore dhe pothuajse pa asnjë kundërkandidat serioz, ai sigurisht se do të fitojë zgjedhjet që do të mbahen në muajin mars. /Telegrafi/