Sipas kancelarit gjerman Olaf Scholz, Vladimir Putin i frikësohet “shkëndijës” përhapëse të demokracisë që po përhapet në Rusi.
Scholz tha se Putin po mundohet që ta ndajë Evropën dhe ta kthejë atë në një botë që dominohet nga disa sfera të ndryshme të ndikimit.
Kancelari gjerman këtë koment e bëri në një intervistë për gazetën Muenchner Merkur, intervistë e cila u postua në ueb-sajtin e qeverisë gjatë së hënës, transmeton Telegrafi.
I pyetur se nëse Putin do të pranonte afrimin e Ukrainës me Bashkimin Evropian, ai tha: “presidenti rus duhet të pranojë se në ‘lagjen’ e tij është një komunitet që ka demokraci të bazuar në ligj, dhe se ky komunitet po rritet gjithnjë e më shumë”.
“Ai qartazi ka frikë nga shkëndija përhapëse të demokracisë në vendin e tij”, tha ndër të tjera Scholz. /Telegrafi/