Artistja dhe sipërmarrësja e njohur shqiptare, Rezarta Shkurta, feston sot (e enjte) ditëlindjen.
Në përvjetorin e 35-të të lindjes, ajo duket se kishte një natë speciale me bashkëshortin e saj, Ermal Hoxhën.
E njëjta ka shpërndarë një klip në rrjete sociale të realizuar mbrëmë, në të cilin nuk mungoi me skena të nxehta e po aq edhe provokuese përkrah partnerit.
Çifti shfaqen duke ecur dorë për dore me një paraqitje elegante të këngëtares në një fustan shkëlqyes, e gjithashtu edhe një kostum të tillë të Hoxhës.
“35 më gjeti me zemrën plot”, ka shkruar ajo derisa ka treguar se u befasua në mesnatë.
Rezi mori urime të shumta në pjesën e komenteve, meqenëse gëzon raporte të mira me një pjesë të madhe të estradës dhe se ndiqet nga mijëra fansa.
Ajo deri më tani ka realizuar një sërë këngësh, gjersa vetëm pak ditë më parë njoftoi se po heq dorë përfundimisht nga muzika.
Kujtojmë që me Ermalin kanë bashkë një vajzë të quajtur, Hera. /Telegrafi/