Pushimet në hotelin “luksoz” nuk iu lanë shije të mirë (Foto)

Alan dhe Sara O’Rourke, së bashku me një djalë 13-vjeç, kanë paguar nga dymijë euro për person, që të kalojnë dhjetë ditë në një hotel me pansion të plotë.

Por, me të shkuar në dhomë, ata janë zhgënjyer me kondicionerin e prishur, teksa temperatura kishte kaluar 40 gradë Celsius.

Çiftit nuk ju ka pëlqyer aspak ushqimi, madje pretendojnë se salsiçet nuk kanë qenë të pjekura sa duhet.

Kulmi i dëshpërimit, ka arritur kur Alan ka qenë duke bërë dush, dhe në banje kanë filluar të bien pllakat e qeramikës.

Megjithëse ai ka shpëtuar i palënduar, ka kërkuar të kthehen në shtëpi, vetëm tre ditë pasi kishin arritur. /Telegrafi/