Trajneri i Ballkanit, Ismet Munishi ka lëshuar thumba pas fitores së ekipit të tij në derbin e javës ndaj Dritës.
Ballkani ka arritur ta mposht pa shumë vështirësi Dritën me rezultat komod 2-0 në ndeshjen e vlefshme për javën e shtatë në Superligën e Kosovës.
Të dy golat e klubit therandas u shënuan nga sulmuesi i mirënjohur, Mirlind Daku.
Megjithatë, loja u karakterizua me shumë tension dhe kartonë të verdhë dhe të kuq nga të dyja skuadrat.
Njëri nga të ndëshkuarit me të kuq ishte edhe trajneri i vendasve, Ismet Munishi, i cili u përjashtua nga gjyqtari Genc Nuza shkaku i protestave.
Por, reagimi i Munishit pas ndeshjes ka qenë thjeshtë epik.
“Shefi nuk ka gjithmonë drejtë, por është gjithmonë shef”, ka shkruar Munishi në profilin e tij privat në Facebook.
Ndryshe, Ballkani është lider i kampionatit me 19 pikë nga 21 të mundshme, ndërsa ndiqet nga Prishtina e dyta dhe Arbëria e treta me nga 11 pikë. /Telegrafi/
