Në DAP sot filloi procesi i pajtimit me organizatën sindikaliste “Solidariteti” në ndërmjetësim të Ilija Manasievit, në lidhje me kërkesën për rritjen e pagave të të punësuarve për 30%. Kryetari i Solidariteti, Vase Nadenovski, dhe u.d. drejtorja e DAP-it, para fillimit të takimit në deklaratë për mediat u shprehën se ka shpresë për gjetjen e zgjidhjes së përbashkët. Çdo vendim jashtë kornizave të caktuara, do të thotë fillim automatik i grevës së përgjithshme.
Vendimi për grevë të përgjithshme duhej të hyjë në fuqi më 27 qershor, por u prolongua për shkak të emërtimit të ndërmjetësuesit. Në ndërkohë, të punësuarit në DAP çdo ditë mbajnë protesta dy orëshe në vendet e punës.
“Kushte më të mira për të punësuarit, d.m.th. paga më të mira, kështu edhe efikasitet për të gjithë ne që i shfrytëzojmë shërbimet e DAP ose cilësdo organizatë tjetër. Ne do të mundohemi që të nxjerrim maksimalisht edhe argumentet dhe mundësitë për zgjidhjen e dallimeve që ekzistojnë mes tyre.”- deklaroi Ilija Manasiev, “Solidariteti”.
“Shpresoj se do të gjejmë zgjidhje adekuate me qëllim që të kemi sukses në angazhimet tonë dhe kërkesat tona që së bashku të bëjmë marrëveshjen kolektive me sindikatën reprezentative, thjesht mund të them se me këtë problem që doli, nëse ashtu mund ta quaj, do të paraqes edhe sfidë adekuate dhe pres që t’i kemi rezultatet në fund, përkatësisht epilogu të jetë pozitiv”, tha Sanja Llukarevska, Drejtore.