Një punonjës spitali në Portugali rezultoi pozitiv për variantin e ri të COVID-19 të quajtur Omicron, duke detyruar njësinë e shërbimeve pediatrike të mbyllet.
Sipas mediave të huaja, përcjell Telegrafi, punëtori kishte qenë në kontakt me anëtarët e një klubi futbolli portugez, ku kishte të paktën 13 raste të virusit të ri, në lidhje me variantin e coronavirusit që u identifikua për herë të parë në Afrikën e Jugut.
Spitali tha se do të mbyllë si shërbimet pediatrike të urgjencës ashtu edhe ato ambulatore për dy javë edhe pse stafi në kontakt me punonjësin e spitalit rezultoi negativ për virusin.
Kufizimet e reja të virusit hynë në fuqi në Portugali nga mesnata pasi vendi po punon për të përmbajtur një rritje të re të rasteve.
Një certifikatë dixhitale që vërteton vaksinimin ose shërimin nga COVID-19 duhet të shfaqet për të hyrë në restorante, kinema dhe hotele. Maska për fytyrën do të jetë edhe një herë e detyrueshme. /Telegrafi/