Pedro Viloria, që punon në një qendër të ushqimit të shpejtë ‘McDonald’s’ në Floridë të Shteteve të Bashkuara, ka kërcyer nga dritarja dhe e ka shpëtuar një grua me dy fëmijë, që kishte humbur ndjenjat në veturë.
Më të parë shoferen në gjendje të pazakontë dhe makinën që lëvizte ngadalë, 22-vjeçari ka vepruar me shpejtësi dhe i ka dalë në ndihmë gruas, transmeton Telegrafi.
Ai e ka ndaluar veturën, vetëm pak momente para se të dilte në rrugë dhe parandaloi ndonjë aksident të mundshëm.
Në vendin e ngjarjes ka qenë edhe një polic jashtë detyrës, që ka lajmëruar menjëherë njësitet policore, të cilët kanë shkuar shpejtë në vendin e ngjarjes.
Mësohet se nëna e dy fëmijëve tash është në gjendje të mirë, ndërsa nuk dihet se çfarë ia shkaktoi humbjen e vetëdijes. /Telegrafi/
