Udhëtimi me aeroplan në shumë raste është i mërzitshëm në veçanti kur udhëtoni në linja të gjata, dhe kur e shikoni dikë duke bërë shaka shumë lehtë mund t’ju bëjë të qeshni.
Një rast i tillë i ka ndodhur muzikantit Terry McBride, i cili derisa ishte brenda aeroplanit kishte vërejtur një punonjës të aeroportit duke i drejtuar aeroplanët me një vallëzim interesant, transmeton Telegrafi.
Ai po udhëtonte nga New Yorku në Nashville, kur vërejti një burrë duke bërë disa lëvizje interesante, derisa po i drejtonte aeroplanët në pistë.
“Ndodhi edhe kjo afër dritares ku isha ulur. Po largohesha nga New York në Nashville, kur pash një burrë duke vallëzuar dhe drejtuar aeroplanët që po bëheshin gati të fluturojnë. Ky vallëzim më ka kthyer disponimin”, ka deklaruar ai. /Telegrafi/
