Në mënyrë intensive ndërtohen rrugë rajonale, ndërsa së shpejti fillon edhe ndërtimi i rrugëve të reja ekspresë. Tenderët tashmë janë shpallur, transmeton Telegrafi Maqedoni.
Një rrugë ekspres tërësisht e re do të ndërtohet në drejtimin Rankovcë – Kriva Pallankë, si dhe nga rruga Kriva Pallankë deri në Bullgari, që do të paraqet një lidhje të re rrugore me këtë vend fqinj.
Mbrëmë u publikua edhe rekonstruksioni i rrugës Gostivar-Kërçovë, që do të jetë një zgjidhje kalimtare deri në ndërtimin e autostradës së re.
Po ashtu punohet edhe në autostradën Demir Kapi – Smokvicë, Shkup-Kumanovë. Nga rrugët rajonale, për momentin është duke u realizuar rindërtimi i rrugëve në gjatësi të përgjithshme prej mbi 200 kilometrash. Fjala është për drejtimet rrugore Manastir-Resnjë-Bukovë, Koçan-Kamenicë-Dellçevë, Mokrino-Smollari, Nikoliq-Dojran, Ura e Boshkut-Dibër, Ura e Melnicës-Qendër Zhupë, Ropotovë-Cërnilishtë, rruga Bërvenicë-Çegran është para përfundimit, ndërsa në mënyrë aktive punohet edhe në drejtime tjera rrugore./Telegrafi/