Punëtorët e larguar dhe të cilët kanë paralajmëruar se do të futen në grevë janë Naser Hyseni, ish drejtor i Departamentit të Administrates për Buxhet dhe Financa në AKPM, dhe Ardian Rugova, ish drejtor i departamentit të licencimit.
Ndërsa Arian Ahmeti, i cili po ashtu është larguar nga puna, nuk do të jetë pjesë e kësaj greve, pasi që për të KPM-ja ende nuk ka marrë ndonjë vendim, pasi që rasti i tij ka shkuar në rishqyrtim
Naser Hyseni, në një konferencë për media, të mbajtur para MSH-së tha se atij nuk i është vazhuar kontrata që nga ardhja e Zehadin Gashit në poziten e shefit ekzekutiv të AKPM-së, gjoja se vlerësimi i performancës së tij ka qenë jo i mirë. “Unë jam ankuar dhe e kam fituar të drejtën për kthim në vendin e punës.
Në gjykaten komunale, është vertetuar vendimi i KPM-së dhe është caktuar edhe kompenzimi.
Unë marrë pagë, sikurse të isha në punë, që është edhe një shkelje ligjore dhe keqperdorim i buxhetit të Kosovës”, ka pohuar ai.