Ky është momenti qesharak kur një pulëbardhë e uritur kapet nga kamerat duke “vjedhur” ushqim brenda një dyqani të Tesco-s në Angli.
Madje, deri më tani besohet se pulëbardha ka “vjedhur” ushqime me vlerë 350 euro, përcjell Telegrafi.
Pulëbardha u pa duke pritur për tu hapur dyert e dyqanit në mënyrë që të futet brenda.
Kur u hapën dyert, pulëbardha u fut në dyqan dhe doli përsëri jashtë pas disa momentesh me një pako të Mini Cheddars nën sqep, dhe deri sa punëtorët dolën për ta zënë ai veçse ishte larguar.
“Është diçka që ndodh zakonisht vetëm njëherë në ditë, e ndonjëherë edhe deri në tre herë brenda ditës, është e bezdisshme për ne, Doritos janë më të preferuat e saj”, thotë një punëtor.
Kjo pulëbardhë është kthyer në figurë të famshme për banorët e Paignton të Devonit në Angli, të cilët edhe i kanë vënë nofkën “Steven Seagull” sipas aktorit të famshëm Hollywood-ian Steven Seagal. /Telegrafi/
