Diskutimi kishte në fokus projektet ekzistuese dhe ato të reja, kryesisht, Termocentralin “Kosova e Re”, Hidrocentralin e Zhurit, projektin për hidrocentralet e vogla, si dhe projektet për energjinë e ripërtëritshme dhe efiçiencën e energjisë.
BERZh vlerëson Projektin “Kosova e Re” si një projekt shumë të rëndësishëm për Kosovën dhe rajonin si dhe shprehë gatishmërinë e vazhdueshme për të përkrahur këtë projekt duke siguruar një pjesë të financimit për fituesin e projektit.
Lorik Haxhiu prezantoi statusin e tanishëm të procesit të përzgjedhjes së ofertuesit për projektin e Termocentralit "Kosova e Re".
Përfaqësuesit e BERZh-it gjithashtu kanë informuar delegacionin e Kosovës për dy fondacione rajonale të cilat do të përkrahin zhvillimin e projekteve për energji të ripërtëritshme dhe efiçiencën e energjisë.
Delegacioni i Kosovës po qëndron në Londër për Konferencën "Mines and Money" ku do të promovohen mundësitë minerare të Kosovës për kompanitë ndërkombëtare dhe institucionet financiare. /Telegrafi/