Reperi i popullarizuar, Majk, ka arritur të bëhet njëri nga artistët më të suksesshëm të estradës. Kjo në saje të punës dhe përkushtimit të madh që ka ndaj muzikës.
Meqë tashmë ka sjellë një mori projektesh që rezultuan suksese të mëdha, reperi po shijon momente mjaft të lumtura edhe në koncertet e tij.
Së fundmi, në llogarinë personale në Instagram, Majk ka publikuar disa imazhe dhe video nga koncerti i fundit i tij, derisa shihet një numër i madh i fansave të cilët këndojnë bashkë me të.
“Asgjë nuk është e lehtë siç duket tani, nga aty ku është nisur gjithçka, kam sakrifikuar gjithçka në të kaluarën që të shijoj momente si ky sot, jam i bekuar, faleminderit Zot”, ka shkruar Majk, pranë videos nga koncerti.
Reperi njëkohësisht është duke e shijuar edhe suksesin e projektit të ri “Malena” në bashkëpunim me Ghetto Geasyn.
Ky projekt i tyre në platformën YouTube ka grumbulluar mbi tre milionë shikime. /Telegrafi/