Është publikuar videoja e sherrit mes ish-konkurrentes së Big Brotherit, Fraçeska Jaçe, e cila është shpallur në kërkim dhe një 28-vjeçare.
Ngjarja ka ndodhur ditën e djeshme në rrugën ‘Nikolla Tupe’, ku sipas informacioneve nga policia, Françeska ka dhunuar dhe ka qëlluar me grushte Katerina Beqon.
Sherri mes tyre mësohet se ka ndodhur për shkaqe banale. Pas ngjarjes, Françeska është larguar nga lokali dhe është shpallur në kërkim nga policia.
“Më datë 14.03.2016, rreth orës 21:30, në një lokal në rrugën “Nikolla Tupe”, pas një konflikti për motive të dobëta midis dy shtetaseve F. J. dhe K. B. ka degraduar në konflikt fizik. Shtetasja K. B., 28 vjeçe, banuese në Tiranë, është goditur me grusht në fytyrë dhe kokë nga shtetasja F. J., 22 vjeçe, banuese në Tiranë, e cila është shpallur në kërkim e punohet për kapjen e saj. U referuan materialet hetimore në Prokurorinë e Rrethit Gjyqësor Tiranë, parashikuar nga Neni 90 i Kodit Penal”, shkruan në njoftimin e Policisë së Shqipërisë.
