Era Istrefi është bërë fytyrë reklamuese e firmës “Guess” dhe sapo është lansuar video e plotë ku Era shihet duke pozuar për markën e njohur.
Përveç sukseseve në muzikë artistja kosovare Era Istrefi ka filluar me kontrata të reja duke u bërë kështu pjesë e firmave të njohura.
Mbrëmë ajo lansoi koleksionin e saj të parë të llaqeve për thonj për të vazhduar sot me reklamën për firmën e njohur Guess.
Video e plotë ku Era Istrefi shihet duke pozuar për markën e njohur të rrobave “Guess” sapo është lansuar , shkruan kultplus.
Në këtë video Era shihet duke pozuar për firmën e njohur nën tingujt e këngës “Redrum”.
Ajo është shprehur për ‘Nylon’ se është e vetmja shqiptare që ka shkruar këngë shqip dhe ka arritur të shpërndahet gjithandej.
Ky fakt është potencuar qysh në fillim të depërtimit të artistes në tregun botërorë, duke e bërë atë të parën që ka arritur një sukses të tillë.
‘Redrum’ ishte kënga e fundit e lansuar nga Era, dhe erdhi si projekti i parë i saj i realizuar nën menaxhimin e kompanisë “Sony music”.
