Është publikuar paraqitja e re e shkurtër e filmit aksion “Wonder Woman”, ku aktorja kryesore Gal Gadot shndërrohet në një heroinë dhe udhëton në ishullin mistik Themyscira.
Në trailerin e mëparshëm Diana Prince, e njohur si Wonder women, është shfaqur teksa merrte pjesë në Luftën e Parë Botërore, ndërsa në këtë vazhdim duket se do të japë shumë më tepër nga vetja.
Regjinë e këtij filmi e ka bërë Patty Jenkins, ndërsa të premten u publikua edhe reklama e re promovuese.
Në këtë paraqitje të shkurtër paraqitet edhe nëna e Dianas, Hippolyta, rolin e të cilës e luan Connie Nielsen.
Gal Gadot është një aktore dhe modele izraelite, e cila është bërë e njohur me rolin e Gisele Yashar në filmat “The Fast and the Furious”.
Në vitin 2016 luajti rolin e Wonder Woman në “DC Extended Universe” duke nisur në “Batman v Superman: Dawn of Justice” dhe për të vazhduar si karakteri kryesor në filmin e ri “Wonder Woman”. /Telegrafi/
