Është publikuar ‘traileri’ i filmit më të ri, “Ditari”, që pritet të dalë në kinema në tetor të këtij viti.
“Ditari” është filmi i parë ‘horror’ në Kosovë, që vjen si rezultat i një pune dhe përkushtimi katërvjeçar.
Me regji të Liridon Beqirit, filmi përshkruan historinë e disa të rinjve, të cilët një natë vendosin të dalin në kamping, në një shtëpi të braktisur dhe të pabanuar, por me një mister të tmerrshëm. Asnjëri nga personazhet nuk është në dijeni se kush dhe çfarë e ruan atë shtëpi. Pasi “Ditari” vendos për pronarin, aty gjithçka do të ndryshojë.
Ky film po vjen në përfundim pa asnjë mbështetje financiare nga shteti, dhe se qëllimi dhe e gjithë sakrifica e regjisorit dhe ekipit realizues është që të jetë ndër filmat më të frikshëm në Ballkan.
Filmi, i pari në Kosovë i këtij lloji, u realizua me financat e të rinjve që janë pjesë e tij dhe të disa qytetarëve.
Derisa është përfunduar 70 përqind të filmit, për të përfunduar tërësisht, si kurrë më parë stafi realizues ka nevojë për mbështetje të mëtutjeshme financiare.
“Ditari” do të shfaqet në kinema në tetor të vitit 2021.
