Publikohet performanca e plotë fantastike e Ritës në Brit Awards

Superylli shqiptar, Rita Ora, shfaqi një prej performancave më të mira në karrierën e saj në Brit Awards.

Edhe pse nuk ishte e nominuar për asnjë çmim, ajo e ka shkruar historinë me performancën e saj në këtë ceremoni.

Rita performoi tri këngët hite të saj “Your Song”, “Anywhere” dhe “For You” në mënyrë të kombinuar me ndryshime të skenografisë.

Në secilën këngë të interpretuar ajo tregoi potencën e saj vokale, kurse momenti kulmor ishte performimi me Liam Payne për baladën “For You” e cila ishte pjesë e Fifty Shades Freed.

Rita ndryshoi dukjen e saj për të performuar baladën që tërhoqi shumë vëmendje.

Dyshja rrëmbyen të gjithë me performancën e tyre në përgjithësi, çka ka bërë që kritikat pozitive të mos ndalen, kur dihet se mjedisi artistik dhe i shoubizit në Britani është mjaft kritik, sidomos për shkak të tabloideve të shumta.

Rita Ora nuk dihet nëse është takuar me Dua Lipën në këtë ceremoni e cila i fitoi në mënyrë historike dy çmime. /Telegrafi/