Ditë më parë u spekulua për një zënkë ndërmjet Liam Gallagher dhe të dashurës së tij, Debbie Gwyther, e cila kishte eskaluar në dhunë fizike.
Sipas raportimeve në media, rokeri anglez e kishte kapur për fyti partneren e tij, gjë që ai e hodhi poshtë përmes një reagimi në rrjetet sociale.
Ai kishte shkruar në Twitter se asnjëherë nuk i ka vënë duart mbi një femër në mënyrë të dhunshme.
Firstly I have never put my hands on any woman in a vicious manner Secondly there is only 1 witch and we all know who that is as you were LG x
— Liam Gallagher (@liamgallagher) August 25, 2018
Edhe vet e dashura e Liam ka mohuar se frontmeni i “Oasis” e ka lënduar atë.
Megjithatë, tash janë publikuar pamjet nga kamerat e sigurisë (CCTV) në Chiltern Firehouse, ku ka ndodhur incidenti.
Aty shfaqet këngëtari teksa largohet nga e dashura e tij, e cila vazhdon ta ndjekë.
Në atë moment, Gallagher kthehet dhe e kap për fyti Debbien duke e shtyrë prapa. /Telegrafi/
