Publikohen pamjet e grabitjes së argjendarisë në qendër të qytetit të Gjirokastrës.
Ngjarja u shënua pasditen e 31 marsit, ndërkohë policia ka shpallur në kërkim ish-bashkëshortin e gruas së argjendarisë.
Në video duket moment kur një burrë me size dhe me një xhup ngjyrë lejla hyn në argjendari dhe më pas nxjerr dhe automatikun AK-47 që e ka të fshehur poshtë xhupit.
Pas tij hyn dhe një djalë i ri i cili pasi vendos doreza nis të fusë në çantë bizhuteritë.
Burri pasi ka nxjerrë automatikun e fsheh prapa kurrizit ndërsa duket se komunikon me shitësen.
“Më datë 31.03.2021, rreth orës 18:10, në lagjen ’18 Shtatori’ në Gjirokastër, në një argjendari, dy persona të paidentifikuar dyshohet se nën kërcënimin e armës, kanë vjedhur sende me vlerë dhe më pas janë larguar me shpejtësi. Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve”, njofton policia. /Ora News/
