Publikohen pamjet gjatë aterrimit dhe rrokullisjes së aeroplanit në Toronto

Pamje të reja dhe shumë dramatike nga aksidenti ajror në aeroportin e Torontos janë shfaqur në rrjetet sociale, duke shkaktuar shqetësim dhe trishtim mes përdoruesve.

Aksidenti ndodhi gjatë një aterrimi të aeroplanit, i cili ka pasur probleme teknike gjatë fluturimit.

Pamjet tregojnë momente të tensionuara dhe të frikshme, ndërsa aeroplani u përplas dhe shkaktoi një shpërthim të vogël në tokë.

Lexo po ashtu Aeroplani rrokulliset gjatë uljes në pistën e aeroportit në Toronto, lëndohen tetë persona

Autoritetet dhe shërbimet e emergjencës reaguan shpejt për të siguruar pasojat dhe për të ndihmuar të plagosurit.

Si pasojë e aksidentit, 18 persona u plagosën, ndërsa fatmirësisht nuk ka raporte për viktima.

Të gjithë të prekurit janë dërguar në spital për trajtim të mëtejshëm. Hetimet për shkaqet e aksidentit janë ende duke u zhvilluar. /Telegrafi/