Santiago Bernabeu i ri ka filluar të marrë një pamje të bukur, derisa punimet po zhvillohen në normalitet.
Punimet ishin ndërprerë shkaku i shpërthimit të coronavirusit, derisa kanë filluar të publikohen pamjet e para.
Diario AS ka qenë nga afër duke i përcjellë punimet që po bëhen në stadiumin e Real Madridit, derisa kanë filluar të vendosen ulëset.
Ulëse më të gjera, më të rehatshme do të vendosen ashtu siç duhet rreth pjesës së poshtme të stadiumit – ulëse të cilat do të jenë 80 centimetra të gjera, 10 centimetra më të gjera se ato të vjetra.
E vetmja gjë që nuk do të ndryshojë do të jetë ngjyra, vendet e reja do të jenë blu të ndritshme ashtu si ato të vjetrat.
Nga ana e jashtme, T4 e famshme (zona që strehonte zyrat e klubit dhe dhoma me 13 Kupat Evropiane), është afër të shkatërrohet – do të rindërtohet në një pjesë të re të Bernabeut.
Kullat që do të pozicionojnë çatinë e tërhequr janë gjithashtu tani në vend dhe me këtë intensitet të punimeve, Los Blancos shumë shpejtë do të futen në folenë e tyre të re. /Telegrafi/
