Është publikuar videoja e re e momentit kur Koreja e Veriut hedh në erë dhe shkatërron plotësisht zyrën ndërlidhëse mes dy Koreve, që gjendjet në qytezën Kaesong.
Mediat e atjeshme jo shumë pas detonimit kanë bërë të ditur se nga shpërthimi i madh dhe tymi i zi që ngritej në qiell, kanë raportuar menjëherë duke menduar se bëhet fjalë për ndonjë sulm, transmeton Telegrafi.
Një burim i ushtrisë në Seul ka bërë të ditur për Reuters se një ditë më herët kanë shënjuar objektin duke udhëzuar stafin të largohet nga zyra, e ushtarët jug-korean e kanë ndjekur momentin e shpërthimit përmes kamerave.
Tensionet mes dy shteteve janë rritur që kur aktivistët e Koresë së Jugut dhe dezertorët e Koresë së Veriut, kishin dërguar 50 mijë fletushka në shtetin komunist përmes të cilave kritikonin liderin Kim Jong-un për shkelje të drejtave të njeriut në vendin më të izoluar në botë.
Në anën tjetër Koreja e Jugut ka paralajmëruar se do të kundërpërgjigjet, nëse fqinji i saj vazhdon të provokoj dhe të nxit tensione të panevojshme. /Telegrafi/
