Ky është momenti rrëqethës kur kalimtarët “fluturojnë”, kur një veturë i shtyp në trotuar në sulmin e Melbourne që shokoi Australinë.
Kamerat e sigurisë të instaluara në shtyllat elektrike, shfaqin momentin kur një veturë e bardhë e markës Suzuki lëviz me shpejtësi të madh në rrugën Flinders në Melbourne, dhe shtyp kalimtarët e rastit që kishin dalur për të bërë “shoping” për festën e Krishtlindjeve, transmeton Telegrafi.
Këto pamje janë transmetuar nga mediat australiane, ku shihen viktimat duke “fluturuar” kur goditen nga vetura që lëvizte me shpejtësi të madhe. Madje në një moment shihet se si një person përfundon në tavanin e veturës.
Videoja përfundon kur vetura të cilën po e voziste Saeed Noori, përplaset në një kunj mbrojtës, derisa qindra qytetarë vrapojnë për t’i ndihmuar viktimat. /Telegrafi/
