Sulmuesi i Real Madrid, Karim Benzema nuk e ka nisur mirë javën e fundit të muajit tetor.
Reprezentuesi francez ka pësuar një aksident në autostradën e Madridit.
29-vjeçari ishte duke vozitur veturën e tij Audi RS6, teksa një makinë e ka goditur atë nga mbrapa.
Për fat të mirë lojtari ka shpëtuar pa ndonjë lëndim, ndërsa makina e tij është dëmtuar në pjesën e pasme.
Sipas raportit të policisë spanjolle, asnjëri nga shoferët e dy makinave nuk kanë pasur sheja të alkoolit pas testit.
Ish-anëtari i Lyon nuk ka luajtur në ndeshjen e fundit të Real Madrid përballë Deportivo Alaves ku triumfuan ‘Los Blancos’ 1-2.
Ai është lënë jashtë skuadrës nga Zinedine Zidane për shkak të një lëndimi.
Kujtojmë që ditë më parë, Benzema ka vazhduar kontratën me kampionët e Spanjës deri në qershor të vitit 2021. /Telegrafi/
