Prokurori publik nga Prokuroria themelore publike Shkup inicoi procedurë kundër një personi 67-vjeçar, i dyshuar për dhunë ndaj një ekipi të gazetarëve.
“I pandehuri, më 14 nëntor, me ofendime dhe dhunë e rrezikoi sigurinë e kameramanit të një ekipi të gazetarëve, përderisa tek dëshmitarët e pranishëm – gazetari dhe vozitësi i ekipit televiziv, shkaktoi ndjenjë pasigurie, rrezikim dhe frikë. I dyshuari fillimisht drejtoi fjalë ofenduese dhe sharje ndaj ekipit të gazetarëve i cili xhironte, ndërsa më pas edhe fizikisht e sulmoi kameramanin, duke e goditur me bërryl në nofull dhe duke i shkaktuar lëndim trupor”, informojnë nga PTHP Shkup.
Nga atje thonë se meqenëse ekzistojnë rrethana të cilat udhëzojnë në rrezik që i dyshuari të ikë, si dhe rrethana të veçanta lidhur me mënyrën e kryerjes së veprës që tregojnë se ai mund ta përsërisë veprën, prokurori themelor publik i parashtroi gjykatësit të procedurës paraprake propozim për caktim të masës – arrest shtëpiak.